خليك مدون متفوتر.. احسن تدخل العينة وتتفحص

على جنب: في اخر البوست يوجد نداء عاجل.. هو مش عاجل قوي يعني ممكن يستنى لحد ما تخلص قراءة البوست..
***

وصحيح انا مش عارف مين اللي ح يفحصني، أي مين الجهة الموكلة بالكشف عن مصادر دخل المدونين وتحديد الضرائب على الزيارات.. لكني طالما كنت مهووسا بفكرة النظر من ثقب الباب لكي أرى من ينظر من الناحية الأخرى..!
من ميزات الوورد بريس انه قادر على تحديد مصادر النقرات التي ادت إلى الدخول لمدونتك..
يعني من الآخر كده اعرف اللي بيدخل الفحماية بيوصل لها ازاي
وكانت تلك هي المصادر من ساعة ما اشعلت الفحماية:
1- المصدر الأول وبفارق ضخم هو بروفايلي بمنتديات عبد الرحمن يوسف.. فيكوا الخير يا عيال :)
2- المصدر الثاني هو صفحة الهوم باتاعة الفيس بوك...
3- المصدر الثالث هو تاج "حاجة وسخة"..!!
4- ده مفاجأة بقه.. مدونة أحمد شقير حكاوي آخر الليل..
5- مممم.. دي بقه مش مفاجأة.. مدونة الرجل الرائع مختار العزيزي..
6- ثم يأتي بيتنا القديم في بلوجر.. فحماية الأولى
7- وطبعا.. وبكل فخر..وكلنا نرحب ويا أهلا.. بأماني بنت القمر :)
8- وأول وثاني ورابع وعاشر.. الغالي جدا الأدهم ميدو.. اللي مسيطني في كل حتة أدام الله عزه.. يعني في المركز الثامن رابط وضعه لمدونتي في موضوع بأحد المنتديات يتحدث عن جريدة الشروق..
9- مدونة رديئة لحد اسمه "بيسو".. علقت هناك في ظروف غامضة.. ومش ح اكررها تاني..
10- مدونة الصديق اللدود على مبادئ المعارضة والجنون الأدبي واللينوكس الشهيد ماالك مصطفى..
الترتيب طبعا على اساس عدد الزيارات التي جاءت من كل مكان من اللي فاتوا دول
واللي يعرف انا عملت البوست ده ليه ح ياخد جايزة وبعد ما ياخدها يقول لي عشان انا مش عارف عملته ليه..
***
بس احنا ممكن نخليها دعوة للمدونين للكشف عن مصادر دخلهم بنفس الطريقة.. مش عارف الكلام ده ينفع في بلوجر وللا لأ، بس أعتقد ينفع عن طريق موقع وسيط زي أليكسا مثلا..

على جنب: دعوة لولود فوزي: المدونات (بكسر الميم) بنات ليلى يعني بيتقابلوا كل شوية.. غالبا من أجل التآمر علينا.. فين دورنا بقه..؟ احنا يعني ما لناش نفس نتآمر مثلا..؟ طيب كتاب أنا دكر الشمعة التي أضاءتها مدونة فحماية قبل وفاتها ح يتعمل إمتى ومين اللي حيعمله..؟ نديه بقه لخيخة وأبي بتنجاني وبنت القمر يعملوه وللا ايه
أقيموا بني فوزي صدور مطيكم وخفوا شوية
تعالوا فقد حانت أمور عظيمتون :)
مع السلامه عليكم