أولاً كده دوّري وشك يا فريدة فغالبا مش ح يعجبك البوست ده ﻷنه مشحون بالطاقة السلبية...
لكنك -والجميع فيما أتوقع- ستغتاظوا مثلي غالبا..
واسمعي انتي بالذات يا هناء لأنك دايسة ف الموضوع قبل كده...
الحدوتة من نص ساعة بس..
كان برنامج "منى عبد الغني" في قناة الرسالة شغال -وانا اضطريت اشوفه ﻷني كنت باتعشى- وغالبا لسه ما خلصش إلى اﻵن..! كانت مستضيفة بني آدمة ما وكانوا بيتكلموا في موضوع ما.. المهم كالعادة كانت اﻷخت اللي مستضيفاها دي تبدو من الفصاحة واللسن والشدق -واخدين لي بالكوا يا مغامير عربي عين شمس- ليجعلك ما أن تراها تظنها من سبط قس بن ساعدة..!
وﻷمر ما ما اعرفوش ذكرت الدكتورة الفقيهة الصغنونة أيضا قصة المرأة التي ذهبت للرسول صلى الله عليه وسلم تطلب الطلاق من زوجها..
وﻷمر ما أصرت على ذكر اسم زوجها بالرغم من أن اسمه مش ح يفيد التحقيق في حاجة...
فقالت مات حاسدوها -إن وجدوا- أن اسمه امرؤ القيس
ثم أشارت سلم الله صوابعها إلى أن أمرؤ القيس هذا شخص أخر مختلف تماما عن امرئ الـ"قيس".. بتاع ليلى..!!!
رحم الله ابن عباس الذي كان يفسر القرآن بالشعر...!
بس خلاص
فضيت الشحنة..
ملحوظة على جنب: قس بن ساعدة المذكور أعلاه هو برضه قس آخر غير بتاع ليلى..!!
لكنك -والجميع فيما أتوقع- ستغتاظوا مثلي غالبا..
واسمعي انتي بالذات يا هناء لأنك دايسة ف الموضوع قبل كده...
الحدوتة من نص ساعة بس..
كان برنامج "منى عبد الغني" في قناة الرسالة شغال -وانا اضطريت اشوفه ﻷني كنت باتعشى- وغالبا لسه ما خلصش إلى اﻵن..! كانت مستضيفة بني آدمة ما وكانوا بيتكلموا في موضوع ما.. المهم كالعادة كانت اﻷخت اللي مستضيفاها دي تبدو من الفصاحة واللسن والشدق -واخدين لي بالكوا يا مغامير عربي عين شمس- ليجعلك ما أن تراها تظنها من سبط قس بن ساعدة..!
وﻷمر ما ما اعرفوش ذكرت الدكتورة الفقيهة الصغنونة أيضا قصة المرأة التي ذهبت للرسول صلى الله عليه وسلم تطلب الطلاق من زوجها..
وﻷمر ما أصرت على ذكر اسم زوجها بالرغم من أن اسمه مش ح يفيد التحقيق في حاجة...
فقالت مات حاسدوها -إن وجدوا- أن اسمه امرؤ القيس
ثم أشارت سلم الله صوابعها إلى أن أمرؤ القيس هذا شخص أخر مختلف تماما عن امرئ الـ"قيس".. بتاع ليلى..!!!
رحم الله ابن عباس الذي كان يفسر القرآن بالشعر...!
بس خلاص
فضيت الشحنة..
ملحوظة على جنب: قس بن ساعدة المذكور أعلاه هو برضه قس آخر غير بتاع ليلى..!!
هناك تعليقان (2):
عادي .. هو مش لما ابن الرومي قال قصيدته الشهيرة لكل شيء إذا ما تم نقصان أمام ابو بكر رضي الله عنه . سيدنا ابو بكر اقره وقال نعم الشعر ما قلت ..
وابن الرومي دا غير ابن بطوطة
وكما قال الاخ ابو العربي : يا أخي رئيس المجلس المحلي .. لازم تسأل انهو رئيس يعني
ههههههههه
والله ضحكتني وغيظتني ف نفس الوقت يا فيصل
حقول ايه
ما هو دة العصر اللي الجهلاء فيه بقي ليهم منابر وأصوات وبيحق ليهم الفتوي والدعوة وكل حاجة حلوة
أنا سمعت حديث للراجل اللي بيقولوله شيخ سالم..والله مهما حصل عمري ما حنطقها-كان بيتكلم عن المسيح الدجال
وقال :"وأغلب من سيتبعه النساء، مفيش فايدة هم النساء أصل المصائب.اذن سيتبعه النساء، واليهود والمنافقين ..وحيحجم عن اتباعه المؤمنين والمؤمنات"
يعني أكن المؤمنات مش نساء..وأكن فيه فئة ضالة مع المنافقين واليهود والكفرة اسمها"النساء"..أهو واحد زي دة لاقي منبر يتكلم منه ويدخل بيوت الناس الغلابة رغم كل ما يشيعه من جهل..طبعا لأنه بيجيب للقناة فلوس
والله مشروع قناة دينية دة بقي بيكسب دهب، الواحد عاوز يفكر ف الموضوع
إرسال تعليق