جدّو بيهلوس

Play
شاهد ما شفش حاجة بتاعة عادل إمام
خد كلوز
مشهد سرحان عبد البصير مع الضابط والمخبرين في بيته
خد كمان كلوز
بهاء المخبر الضخم اللي كان نايم على صدر سرحان "يا بهاء خف.."
خد كلوز كبير بقه
الطاقية الصوف أم ودان اللي لابسها بهاء
أنا لابس دلوقت واحدة زيها
اشتروها عندي في البيت وقالولي ده أيس كاب بس يتلبس في البيت
يعني تجاوزت الثمانية وعشرين شتاءً من العمر
ولبست طاقية جدو
يللا حسن الختام
تعالوا يا أحفادي أحكيلكم حدوتة، ما انا من أيام الشباب ما بعملش حاجة غير حكاية الحواديت، معرفش غيرها
كان ياما كان
يا سعد يا هند يا ليلى يا منى يا إكرام
هي البنات بقت كتير كده ليه..؟ ربنا يقل منكوا جتكوا البلا..
أنا كنت بقول ايه، آه، حدوتة، معلش السن والزهايمر والضمور الإدراكي
شفتوا شاهد ما شفش حاجة..؟
خد كلوز...!!

بقول لك

ما تيجي تمسك إيدي وتكتب بيها
مين عارف..؟
مش يمكن اللي ح تكتبه إيدي بعقلك يكون أحسن من اللي كتبته إيدي لعقلك..؟
مش ممكن إيدي عجّزت بعد 28 سنة قضت معظمهم كتابة..؟
مش ممكن تكون على الأقل انت بتفكر..؟
تعال كده اكتب بدالي

حدث في 1981..!

0- على جنب..!

التسرع... التسرع.. مرض الجنس البشري..! وانتي عندك التسرع كله.. والعرش أيضا..!

1- يا سلام..!

في الكليب الرائع لنادين لبكي الذي أقنعني إن البت دي لو اشتغلت سينما ستبهرنا جميعا، تعود فتاة الليل\نانسي عجرم إلى بيتها.. وتجلس أمام المرآة.. لتخلع أقنعة اليوم وتبكي..!
ثم تخرج الى النهار وقد غسلت ذنوب ليلها.. بوجهها الحقيقي.. بروحها الحقيقية.. ب"حب" للناس الذين هم أكثر قربا وحقيقية من ناس الليل..
أنا الآن أفعل مثلها.. أنزع اقنعة العام وأتطهر من ناس الليل لأفتح حضني لعالم يمكنه أن يحبني كما أحبه.. عالم لا يستنزفني ولا يمتص أفكاري أو مجهودي أو كلامي أو مشاعري..!

2-البورصة..!

بيت المبتسرين الرائع الذي كان لي بيتا وفرجة ومخبأ ومعرض ومسرح.. لا أتذكر اليوم تحديدا عندما سألت لأول مرة "هي قهوة البورصة مش قريبة من هنا..؟" ونجحت في الوصول إليها..
2002..؟ 2003..؟ مش فاكر حاجة زي كده.. المهم انها قطعت شريحة محترمة من عمري اللي فات وربما أكثر احتراما من عمري اللي جاي.. لهذا سأحتفل الليلة بعيد ميلادي هناك، أو سأحتفل أنا وعيد ميلادي بهناك..!!

3-بكل الحب ح نتكلم..

بكل الحب، ح نتكلم النهاردة عن الـ.. أكيد  يعني عن الحب، بما إن يعني بحب وانتوا بتحبوا وكده، بس فيه حاجات تانية كتير.. زي مثلا الخبر اللي سمعته من اتنين شباب في منطقتنا وانا نازل اشتري الحاجات: البتاع بطّل يتباع..!!! وطبعا ده موضوع في غاية الأهمية خاصة في ضوء مقولة عادل إمام: إحنا بقه اللي بعنا البتاع بقه.. ورد عم شنكل: طب إحنا بقه اللي اشتريناه..! فطبعا خبر زي ده ح يكون له أكبر الأثر على اللي باعوا البتاع ممثلين في سرحان عبد البصير واللي اشتروه وعنهم عم شنكل..
وبكل الحب، ح انفخ اللي ح يتكلم في موضوع مصر والجزائر أو الكورة بشكل عام.. وح انفخه بمنتهى الرومانسية وانا في منتهى السعادة وحيبقى هو بالونة عيد الميلاد.. فرجاءً خلوه عيد ميلاد من غير بلالين..!
كل الحب للناس اللي ملوا صفحتي على الفيس بوء بالتهاني والتبريكات والتورتات، واللي أرسلوا لي رسائل على الفيس والتويتر واللي قالوها لي بلسانهم واللي قالوها لي بكيبورداتهم..
بحبكم

أنا سعد نبيهة..!

سألت بالونة منفجرة تشوه كيانها: عايز أكلم سعد نبيهة..
شحب لونها الأحمر قليلا: مين سعد نبيهة ده..؟
- معقولة فيه بالونة في الوطن ما تعرفوش..؟ سعد نبيهة اللي بيخليها ذكرى جميلة لبعد العيد..! انتي ما سمعتيش صفاء ابو السعود قبل كده..؟
لحظة صمت.. ثم سمعت الصوت من داخل البالونة يكلمني: وعايزه في ايه..؟
-ما جاش السنة دي.. الدنيا والعة بالمعنى الحرفي للكلمة.. كل بلدين هنا مشتبكين في خناقات بينية لسبب ما، عندنا وبائين، طلعنا من كاس العالم.. اتفضحنا قدام الدنيا كلها لما انضربنا واتفضحنا اكثر لما كذبنا بعد كده..
لحظتين صمت هذه المرة.. ثم قال لي الصوت: أنا سعد نبيهة..!

لا سحر ولا دجل

فحماية تكشف لكم عن تفاصيل الليلة كلها :)
اللي ما شافوش يدور عليه.. واللي شافه وناسيه يفتكره...! المضحك المبكي المثير للجنون ان ناس واثق انها شافت الفيلم ده ومع ذلك ما افتكرتوش في اليوم ده، يمكن مش عايزة تفتكره زي ما بننتقد نوارة على تويتر لما تفكرنا باللي مش عايزين نفتكره أو في الوقت اللي مش عايزين نفتكره فيه..
واحد صفر الفيلم الذي وضعت كاملة أبو ذكري فيه مصر على ترابيزة التشريح وبدأت الشغل ومصر صاحية مفتحة تتأمل باستمتاع حقيقي..!
في وسط الفيلم أنتجوا هذا الكليب مخصوص لإذاعته إذا كسبنا.. وتتصاعد المسخرة بتداخل مشاهد القوة والحرفنة والشهامة والجدعنة وطقطقة لسان زينة والقفلة الرائعة للطفي لبيب: الحشيش والفلوس يا ولاد الكلب..!!

يادكتور.. حاسب يا دكتور..!!

يا دكتور
يا دكتور
حاسب يا دكتور
وسعت منك يا دكتور
وسعت قوي قوي يا دكتور
إيه اللي انت قلته ده يا دكتور..؟؟؟
نهارك زي كتاب كفاية يا دكتور..!!!

هذه المرة الصورة أبلغ من أي كلام..

سؤال روش للروش ابن الروش

كنت ناوي اتضامن مع مالك مصطفى النهاردة بس قلت انشر ده ع السريع وابقى اروق لمالك بعد ما ارجع من لشغل

تحية سرمدية لنوارة



التصميم لمادو

تعتمد حملة ايش عرفك انت على عدة أسئلة توجه

لجمال مبارك

بمناسبة مؤتمر الحزب الوطنى بعنوان - من اجلك انت

صاحب الفكرة  نوارة نجم

شارك  فى جروب الحملة على الفايسبوك

يا ريت كلنا نشارك بأسئلتنا من خلالالجروب

***

وادي شوية اسئلة مسح زور

بروفايلي باظ...! :'(

لسبب مجهول بروفايل الفيس بوك بتاعي بايظ من أكتر من اربعة أيام

الفقير أعتقد ان سبب المشكلة هو بتاعة كده طلعت لي وطلبت مني كتابة تاريخ ميلادي للتحقق
وطبعا كتبت تاريخ ميلادي الذي لا أعرف لي تاريخا سواه

وما اشتغلش لسبب ما ومن يومها إلى الآن لا استطيع كتابة أي شيء على اي صفحة ولا استطيع الدخول على إعداداتي.. استطيع التصفح فقط

لذا وجب التنويه

"تحديث: عند إعادة محاولة إدخال تاريخ الميلاد ظهرت لي هذه الرسالة:

You cannot select a birthday that indicates you are under 18 years old. Please contact us for assistance.

ده اللي هوّ تاريخ ميلادي..!!"

عشان تعرفوهم.. إعرفوا نفسكوا الأول..!!

مش عارف حاسس ان حد دعا على منتخب مصر في ليلة مفترجة قائلا: روح يا شيخ لا تكسب ولا تخسر
أو تبقى ماشي في الشارع وداخل على واحد يفتكرك سايبه وماشي
أو أي حاجة هبلة كده
بصوا أنا مش متعود أكتب في في الكورة.. مش متعود ايه انا ما بكتبش أساسا

لكن من ساعة ما غلبنا إيطاليا وانا حاطط إيدي على قلبي.. متذكرا مرة أخرى غلبنا فيها إيطاليا برضه.. يوميها كان الشعب العربي في مصر بأكمله ماشي يكلم القطط في الشارع من الذهول والقطط كانت بتكلم الناس في الشارع من عدم التصديق..
وبعدين خلاص بقه بعد ماتش البرازيل دخلنا في الهبل المطلق
إيه بقه..؟ مرة أمريكا ومرة كوستاريكا..؟

الفرح

تخيل راجل كان عايز يعمل فرح
اشترى كل حاجة
عزم المعازيم
وعلق التعاليق
ده حتى يا راجل عمل الأكل
لكنه قبل ميعاد الفرح وقبل ما يعملوا اطباق السلطة
مات...
جه ابنه
وعمل أطباق السلطة
وعمل الفرح
ونسب كل شيء لنفسه
مش مشكلة
أبوه ما كانش ح يهمه إلا إن الفرح يتعمل وبس
إلا إنه طرد المعازيم الأصليين
وعزم اللي قتلوا ابوه
كل ستة أكتوبر وانتوا طيبين

سطر أبيض

يوما ستكتشفين أني مرهق
وبطاقتي بيضاء
ودفاتري بيضاء
والكتب التي فد ثقفتني كلها بيضاء
يوما ستقتحمين بيتي الضيق
وستنظرين أثاثي الذي لم ألمسه
وسريري الذي لم يحتضنني أو يَلُمني ظالما أو غير ذلك..!
ومطبخي الذي لم يتقد موقده أبدا..!
تتصفحين كتب الطهو البيضاء التي أطبخ منها..
وستخرجين باقدام تعودت ان تعزف الموسيقى
قائلة:
خياة لم تعشها أنت يوما
أتريد مني أن أعش تلك الحياة على سبيل التجربة..؟
وستكملين العزف
وأثناء ال"فيد أوت" الذي يلتهم الصمت ساقيه
سأفتح صفحتك التي في كراستي البيضاء التي خصصتها لعدم كتابة المذكرات..!
وسينمحي ذاك البياض الذي يشبهك
وسأجرب -لأول مرة-
أن أبتسم..!

هالة ليفني

ما عرفتش أجيب لليفني –اللي تحت- أي كلوز مبتسم زي ليفني –اللي فوق-.. الولية دي تقريبا بتقلب وشها أول ما الكاميرا تقرب منها…

الحلزون، 81، وميدان التحرير..! (2)

حلقة 2-
-3-
فصل: عن شخصية مصر..

تتميز مصر دونًا عن بقية الدول اللي خلقها ربنا انها حاجة كده مش عارفين هي عبارة عن إيه بالضبط، حاجة لا نعرف أين تبدأ وأين تنتهي، نصف تاريخها انتفت عنه صفة الموثوقية وصار يندرج تحت ما يسميه الشعراوي "غيب الزمن الماضي" وهو ما انقطع علم حقيقته عن البشر محصورا في العلم الإلهي وحده..!
حدودها متماهية مع الوطن العربي الكبير كما يراها القوميون من أمثالي.. ومن المتوسط إلى منابع النيل كما يراها الفرعونيون، ومن المتوسط إلى السودان ومن ليبيا إلى اسرائيل كما تقول الأمم المتحدة (لا تعرف الأمم المتحدة دولة اسمها فلسطين) ومن ليبيا إلى القناة كما تقول كامب ديفيد (سيادة مصر تنتهي عند مسافة عشرة كيلو مترات غرب القناة كما تنص المعاهدة..!) ومن ليبيا إلى النيل كما يقول الصهاينة.. ومن ليبيا إلى آخر غزة كما يقول آخرون لم أعد أذكرهم...
هي أمة عند البعض، وشعب عند البعض، وجزء من أمة عند البعض...
هي فرعونية، وقبطية، وعربية، وإسلامية.. وواحد أو اكثر مما سبق أو غيره..!!

خليك مدون متفوتر.. احسن تدخل العينة وتتفحص

على جنب: في اخر البوست يوجد نداء عاجل.. هو مش عاجل قوي يعني ممكن يستنى لحد ما تخلص قراءة البوست..
***

وصحيح انا مش عارف مين اللي ح يفحصني، أي مين الجهة الموكلة بالكشف عن مصادر دخل المدونين وتحديد الضرائب على الزيارات.. لكني طالما كنت مهووسا بفكرة النظر من ثقب الباب لكي أرى من ينظر من الناحية الأخرى..!
من ميزات الوورد بريس انه قادر على تحديد مصادر النقرات التي ادت إلى الدخول لمدونتك..
يعني من الآخر كده اعرف اللي بيدخل الفحماية بيوصل لها ازاي
وكانت تلك هي المصادر من ساعة ما اشعلت الفحماية:
1- المصدر الأول وبفارق ضخم هو بروفايلي بمنتديات عبد الرحمن يوسف.. فيكوا الخير يا عيال :)
2- المصدر الثاني هو صفحة الهوم باتاعة الفيس بوك...
3- المصدر الثالث هو تاج "حاجة وسخة"..!!

الحلزون، 81، وميدان التحرير..! (1)

حلقة 1-
على جنب: أغلب الأحداث والاسماء الواردة هي من نسج الحقيقة.. وأي تطابق بينها وبين الشخصيات الحقيقية كنا جميعا نتمنى ألا يحدث.. لكنه -للأسف-......!-١-
بهذه البساطة.. الحلزون و81 وميدان التحرير..!

أعرف انك -إن كنت قارئا بشريا ولم تكن احد عناكب جووجل مثلا- تكره عادل امام، وإلا ايه اللي ح يجيبك هنا يعني..؟ بوستاتي مبرمجة بحيث لا يستسيغها إلا من يكره عادل إمام وهذا شيء تعمدته وأتعمده اثناء الكتابة..

لكن "الحلزونة يامّه الحلزونة" -من الفيلم العبيط كسابقيه ولاحقيه مرجان احمد مرجان- تختلف كثيرا.. فالحلزون الذي قد خبطته عربية في ميدان التحرير له قصة طويلة طويلة -لا ليست عريضة.. طويلة بس..!!- قبل ان تنتـ... لكن من قال انها انتهت..؟؟ ومن قال -بخلاف مرجان- ان العربية المزعومة قد ظهرت أو ستظهر..؟!

عيد :)

كل عيد
وانتوا أعيد من اللي قبله :)

إعادة ترتيب عالمي المنعكش..!

مدخل:

دعونا نتفق ان عالمي المنعكش يختلف تماما عن شعري المنعكش.. لأن عالمي المنعكش لن يعكر صفو حياتك في شيء ولا يؤذيك منظره كما يفعل شعري.. ربما تكون انت أحد تفاصيل عالمي المنعكش لكنك لن تلاحظ النعكشة إما لأن هذه النعكشة لا تعني احد غيري وإما لانهماكك في فك نعكشتك الخاصة.. وفرق مهم جدا: يمكنني بعشرة جنيهات -سعر الحلاقة في حينا- حلاقة الأخير عندما يبلغ الضجر مني مبلغه..!

فصل: يا شعبي الحبيب الصبور... إلخ إلخ..!

يمكنني تخصيص هذه المساحة للحديث عن جمال الناس.. لا أعني هنا جمال العسكري أو جمال فتحي أو.. ابن أبيه..!

إنها نزوة الكوميكس المباركة..!

واضح ان الموضوع خرج من إيدي :D

هذه المرة كتبت النص أولا لأتذكر اتجاه الكتابة.. فالحمد لله الكتابة والكادرات من اليمين للشمال...

خرجت قليلا عن موضوع الكمبيوتر والويندوز هذه المرة...

محاربة التخلف

شكلها ح تقلب بجد وللا ايه

هو صحيح انا كنت بارسم كوميكس من تالتة ابتدائي لحد اواخر ثانوي مثلا.. لكن من بعد كده نسيت كل شيء عن الكوميكس..!

انا ما ليش ذنب.. انا بارسم ما يملى عليّ..!

الرسمة دي اكثر تطورا من اللي قبلها لأنها مرسومة على لينكس ببرنامج Inkscape

على جنب: 1- غرائبيٌ أنا على رأي مالك مصطفى..

2- الضغط على الصورة يؤدي لتكبيرها.. حقيقة علمية

3- للمرة الثانية نسيت ورتبت الكادرات من الشمال لليمين.. اعدكم بترشيد انبهاري بالويب كوميكس الأجنبية...

[caption id="attachment_573" align="aligncenter" width="500" caption="النور قطع"][/caption]

لينكساوي وتحفاوي

بحثت كثيرا عن شيء اكون لسه ما عملتوش في هذه الحياة فاكتشفت انه الكوميكس..!

ولهذا عملت الكوميكاية دي

على الله بس اعرف انها عجبت حد فيكوا

[caption id="attachment_564" align="aligncenter" width="503" caption="لينكساوي وتحفاوي 001"][/caption]

عالم مريضة بنت ستين................!!

لتاني مرة في شهر واحد تطلع اشاعة موت مزيف ضمن اصدقائي على الفيس بوك..!

اولاهما كان واحد بيعمل في السعودية معرفة فيس بوك استغل صاحبه تركه للأكاونت مفتوحا على جهاز الشغل فحب يعمل مقلب وادعوا له واخد صورته الرمزية -التي كان الفقيد يعتبرها نموذجا للشعب المصري (يعني موت الشعب المصري كله عشان الهزاراية تكمل بروح امه)- ووضع عليها شريطًا أسودًا... طبعا ولمدة يومين بعد دخول صاحب الحساب واكتشافه المقلب ظل كل من بالفيس بوك يسبون 100 دين لصاحب الحساب وصاحب المقلب بلا تمييز..!

واليوم عملها واحد مع صديق لأغلب من مر بالصدفة من أمام الوسط الأدبي في الكام سنة الأخيرة.. يحيى هاشم مؤسس دار أكتب..!!

Farewell to MJ.. But Sorrow Stays..!!

I Just Can't Stop loving you

(and no one do..!)

حدث في نقابة الرؤساء...!

على جنب: كتبت هذا النص منذ سنوات أربع.. أعتبره تجربة عبيطة وبدائية، لكنني أحببتها جدا...

شوهد هذا الإعلان معلقا فوق أحد الحوائط:

Job Opportunity

مطلوب فورا وبأجر مجزي
تعلن دولة روبابيكيا عن حاجتها إلى كادر متميز لشغل الوظيفة التالية:

رئيس جمهورية

على أن تتوافر في المتقدم الشروط التالية:

1- أن يبلغ من العمر 70 (سبعين) سنة ميلادية على الأقل.
2- أن يكون حاصلا على رتبة عسكرية لا تقل عن لواء.
3- خبرة 20 سنة على الأقل في نفس الوظيفة.
4- أن يكون رئيسا لحزب (المستقلون يمتنعون)
وتقدم الطلبات بواسطة وكيل المتقدم في خلال 12 ساعة من الآن....

نظر الجميع مذهولين إلى ذلك الوجه المألوف الذي اقتحم عليهم منى النقابة غاضبا ملوحا بورقة...
- قريتوا الهبل اللى مكتوب ف الورقة دي...؟!
- مالك يا رئيس 1..؟!
- إقروا.. إقروا بنفسكم..!!
تناول رئيس 2 الورقة فألقى على أسماع الحضور ما قرأناه على الحائط منذ لحظات...

من السر عسكر أمير الجيوش الأمريكانية..!!

"بسم الله الرحمن الرحيم، لا إله إلا الله لا ولد له ولا شريك له في ملكه. من طرف الفرنساوية المبني على أساس الحرية والتسوية، السر عسكر الكبير أمير الجيوش الفرنساوية بونابارته، يعرف أهالي مصر جميعهم أن من زمان مديد الصناجق الذين يتسلطون في البلاد المصرية يتعاملون بالذل والاحتقار في حق الملة الفرنساوية، يظلمون تجارها بأنواع الإيذاء والتعدي؛ فحضر الآن ساعة عقوبتهم، وأخرنا من مدة عصور طويلة هذه الزمرة المما ليك المجلوبين من بلاد الأزابكة والجراكسة يفسدون في الإقليم الحسن الأحسن الذي لا يوجد في كرة الأرض كلها، فأما رب العالمين القادر على كل شيء فإنه قد حكم على انقضاء دولتهم.

نابليون

يا أيها المصريون قد قيل لكم: إنني ما نزلت بهذا الطرف إلا بقصد إزالة دينكم فذلك كذب صريح فلا تصدقوه، وقولوا للمفترين: إنني ما قدمت إليكم إلا لأخلص حقكم من يد الظالمين، وإنني أكثر من المماليك أعبد الله سبحانه وتعالى، وأحترم نبيه والقرآن العظيم. وقولوا أيضًا لهم: إن جميع الناس متساوون عند الله، وإن الشيء الذي يفرقهم عن بعضهم هو العقل والفضائل والعلوم فقط، وبين المماليك والعقل والفضائل تضارب.. فماذا يميزهم عن غيرهم حتى يستوجبوا أن يتملكوا مصر وحدهم ويختصوا بكل شيء أحسن فيها من الجواري الحسان والخيل العتاق والمساكن المفرحة؟! فإن كانت الأرض المصرية التزامًا للمماليك فليرونا الحجة التي كتبها الله لهم، ولكن رب العالمين رءوف وعادل وحليم.. ولكن بعونه تعالى من الآن فصاعدًا لا ييأس أحد من أهالي مصر عن الدخول في المناصب السامية، وعن اكتساب المراتب العالية، فالعلماء والفضلاء والعقلاء بينهم سيدبرون الأمور وبذلك يصلح حال الأمة كلها.

بالضبط... انها الفحماية تعود مع أنفلونزا الملل..!!

نعم.. اعرف انك رأيت البانر الناري الجديد، وأعرف انك كنت تنتظر مدونة الأب الروحي، أو فيصلوجيا، أو فيصل أباد، أو فيصلستان، أو أي اسم آخر من هذه الأسماء النرجسية المقيتة...!

ربما -لا أعرف مستوى ذكاءك بالضبط- تكون قد استنتجت بالفعل من تدوينة سابقة اني سأفعل شيئا ما لكورليوني العزيز.. حسنا.. لقد نحيته.. أي انه صار السيد كورليوني لا الدون كورليوني مثلما بات فؤاد باشا سراج الدين السيد فؤاد سراج الدين.. صحيح انه لا يزال إلى اليوم يعرف في أروقة الوفد بالباشا كلما ذكر اسمه.. لكن دعونا نفترض ان سلطة كورليوني ستنهار مع لقبه بعد ان أدرك حجمه الطبيعي وأنه ليس أبا روحيا ولا صاحب منطق أو علم -لوجيا- ولا صاحب دولة -أباد- ولا صاحب أرض -ستان-..! بل هو ليس إلا مصاب آخر بفيروس انفلونزا الملل.. الذي يجعله يرغب في تغيير جلده نفسه كل فترة.. والذي جعله يهجر كتابة الرواية الي القصة القصيرة -لعجزه عن إكمال أية رواية- ثم القصة القصيرة إلى اللا شيء..!

حسنا.. ستجد كورليوني يظهر بين الحين والآخر هنا أو هناك متلبسا بشخصية ما.. من الواقع غالبا، فما الذي يدفعني إلى إلباس ثوب شخصية خيالية لشخصية خيالية أخرى..؟ (سوى العبط طبعا).. سيكون هو البهلوان أو الممثل الجوكر بمصطلح المسرح.. فلم انس المسرح بعد كل هذا..!

ثم سأخرج الفحماية من مخبئها لأشعلها وانقلها من صدري إلى صدوركم.. أعرف ان هذا التصور لا يخلو بدوره من ذاتية مقيتة.. فهي ترفعني من مصاف السلطان أو الحاكم أو الأب الروحي أو رئيس العصابة إلى مصاف ابن كبير الإلهة شخصيا..! "برومثيوس" الذي سرق النار من الأوليمب ليهديها للبشر مضحيا بنفسه في رحلة عذاب أبدي..!

عن الموت والشماتة

طيب.. دلوقت فيه ناس "هيييه. هييه واحد مات اهه عقبال جده يا رب" أو "إياكش يتعظ بقه" أو معرفش ايه...

وفي الوقت ذاته فيه ناس أعلنت الحداد على فقيد الأمة المصرية -مهو لازم يبقوا من بتوع الأمة المصرية..!!- وخالص العزاء وصبر الله أهله ومعرفش إيه برضه بس غير الأولاني..

(مباشر: وانا بكتب الآن اسمع جلسة مجلس الشورى الذي بدأها صفوت الشريف بتلاوة القرآن -هو الذي كان يتلو- ثم خطبة عزاء طويلة لم تنته إلى الآن..!)

وبين هؤلاء وأولئك -وإن كانوا أميل إلى أولئك- ناس بتقول يا بشر لا شماتة في الموووووووت...

دعكم تماما من الإعلام والتلفزيون الذي

كورليوني: حينما يكره المرء صورته في المرآة..!

الأب الروحي على ما يبدو كان وش فقر -فقر مدقع يعني مش فقر عادي- من ساعة ما قررت اتخاذه شعارا منذ دخلت موقع الجايكو..

يعني لم أكتب حرفا لا في المدونة ولا في غيرها، ولا كسبت مليم من أي حتة، ولا اشتغلت بنكلة، ولا حتى قعدت في التكعيبة... ولا كلب معدي في الشارع باس إيدي ومشي كما كانوا يفعلون مع الدون العظيم ولا عضها ومشي حتى..

وكعادتي لما بتحرق دمي وبشدة، ووقتها فقط، تنزل علي الكتابة فجأة كأنها لم تفعل ذلك من قبل.. يعني مثلا انا بقالي 3 اشهر تقريبا ما كتبتش -تدوينة 6 ابريل دي ما تتحسبش كتابة كما لاحظتم - والأن وأنا في قمة انشغالي في أكبر مهمة كلفت بها في حياتي أبكي وأكتب لمجرد ان واحد كلمني بطريقة مش اللي هي ولأجل صالح هذه المهمة..!

عن 6 إبريل، والعميان، والغرابيل..!!

قال لك اللي ما يشوفش من الغربال يبقى أعمى..

ما هو صحيح يعني، ح يعملوا فيه إيه أكتر من انهم خرموه من كل حتة..؟

ويكاد يخيل للإنسان ان الغربال -أي المصفاة - قد صنع خصيصا تمكين الرؤية من خلفه.. حاجة زي الحاجز الرابع كده بحيث تشوف ولا تشارك أو تعبر..

لماذا أخبرك بهذا الكلام..؟

لأنه لما تبقى عارف جيدا ان

..ومن النيل الثقافية إلى الوورد برس..!

أيييون.. إنه بالضبط الذي تبادر إلى أذهانكم..

تشاهدون على هذه التدوينة يا سادة يا كرام البرنامج الصدمة الرهيب الجامد الذي ظهرت فيه في الخميس الأخير من فبراير.. اليوم السحري الذي دخلت فيه عالم "المدونين" -وهو غير عالم التدوين خالص كما عرفت- ونويت كتابة خمس ست تدوينات عنه على الأقل ولم أكتب واحدة...

عذرا للعزيزة اسماء رمضان التي عذبتها معي بين الحصول على الفيديو وضغطه ورفعه..

وشكرا للعزيز علي طاحون مدير مكتب الشاعر عبد الرحمن يوسف الذي قام بتسجيل الفيديو وصبر على تأخر البث..

وشكرا برضه لأحمد يوسف مقدم البرنامج الذي تحمل توتري الشديد رغم تحملي أنا لتوتره الشديد..

هذه الحوار أهديه كاملا.. إلى

مانع غسيل المخ/ مختار العزيزي..

عله يعود لإمتاعنا بكتاباته الرائعة..

الinstallfest يا كحاريت..!

وكحاريت يعني جمع كحروت.. والكحروت عند عمك الدون كورليوني الصحاح وشركاه هو احد البطاريق الذين نشفت أمعاءهم من أكل الطعمية..

المهم لقد قرر بطاريق اسكندرية في خطوة تاريخية تنظيم يوم خامس للتعريف بنظام تشغيل لينكس بعد انقطاع عن الحياة دام أكثر من سنة ونصف منذ اليوم الرابع الذي شرفت فيه بالانضمام لهم...

المهم قررت الذهاب الى هناك.. وأحتاج لصحبة متكحرتة عندها استعداد -أو بعبارة أدق معندهاش استعداد لركوب حاجة أعلى- لركوب قطار بعشرة جنيه مثلا.. أرخص حاجة ممكنة تودينا اسكندرية..

بالنسبة لمن هم خارج الإيجي لوج: ستعرف بعد وصولك اسكندرية ما هو اللينوكس وكيف انه بديل لنظام ويندوز وكيف تعمل عليه.. ولو معاك لابتوب أو حتى شايل الكيسة على قلبك ح نسطب لك اللينكس عليها :)

بالنسبة للإيجي لوجرز: ما تستهبلوش.. انتوا عارفين اللي فيها..!!

اللي فاضي يوم الاتنين وكحروت ومستعد يركب مواصلة كحروتة يفول :)

تحياتي

نحو الكتاب الخامس للمدونين.. أنا دكر..!!!!

[caption id="attachment_496" align="aligncenter" width="272" caption="الدكر المثالي"][/caption]

نعم انا أجلت بتاع تلاتين تدوينة بين كرنفالية وحميمية وتهييسية ولقائناسية -نسبة إلى لقاء الناس وهو حدث نادر التكرر في حياة don مثلي يعيش في قصر الكورليونيس بعيدا عن البشرية.. لكي انشر هذه الدعوة..

قال لي أحمد مهنا انه انتهى من جمع الكتاب الرابع من مدونات مصرية للجيب.. وده جميل طبعا، صحيح مش فاكر ايه هو موضوع الكتاب لكنه شيء رائع طبعا..

وطبعا أيضا انا متابع مسيرة الكتاب الثالث كلنا انثى منذ بدايتها.. وعاجباني الفكرة...

ولكن بقه...!

أين المدونين..؟ الرجالة..؟ الشباب..؟ الشنبات..؟ فاكرين أصلا المصطلحات دي وللا نسيتوها.؟!

عارفين طبعا ان انا انثى ليست أول التحركات الإيجابية لبنات حواء.. فيه قبلها كلنا انثى واحترم نفسك وحاجات كتير..

طيب فين بقه بني حواء..؟

فاكرين حملة كلنا فوزي بتاعة أحمد سووو..؟ كانت أول -هه- نفس يطلع يفكر الناس -يا جماعة.. فاكرين يعني ايه رجالة..؟ اه احنا ما تبصوش كده- ان اللحظة التي ينتظرها سيد أبو حفيظة قد اتت وان فيه رجالة لتعود جملة "سيداتي سادتي" إلى الحياة..

لهذا سأعلنها من قلب المركز الدولي للتنمية الثقافية بالدقي اليوم عالية مدوية: أنا دكر..!!

أنا دكر هو مشروع الكتاب الخامس لمدوني مصر.. أنا دكر سيتحدث عن التبعات والكوارث والبلاوي والحاجات اللذيذة أيضا التي ترتبت على كوني دكر عايش في الخليقة.. ثم على كوني دكرًا عربيا.. ثم على كوني دكرا وضعوا فوق رأسه صورة الريس...

انا دكر سيتحدث عن علاقتنا بأنا أنثى.. وعن الحاجات اللي عاملاها فينا أنا انثى باستمتاع شديد غالبا.. وعن الحاجات اللي بنعملها احنا فيها ببراءة شديدة غالبا برضه..

انا دكر ح يريح التعبان.. ويفرح الزعلان..

أنا دكر ح يتباع الواحدة بقرش  يا بلاش..

اسمع اقتراحاتكم بقه

من الوورد برس إلى النيل الثقافية..!

غدا الخميس 26 منه سيستضيفني برنامج IT Show للحديث في محتوى الكام بوست اللي فات عن ازمة الصحافة والتدوين..
اللي يقدر يسجل يسجل واللي ما يقدر يتفرج :)
يذاع البرنامج على الهواء في الواحدة ظهرا بتوقيت القاهرة الحادية عشرة بتوقيت جرينتش
تظرونا (انتظرونا- انطرونا- إلخ..)..

أقر أنا اللي عايز اسرقك..!

حسنا.. لقد قرر فيتو كورليوني العظيم أنه يسيب الأسبان واليهود والياكوزا والانجليز والمماليك يعيثون فسادا في شيكاغو، وبدلا من أن يشحذ ذهنه ويبعت ميجيلو أو سوني ينزلوا يغطوا أخبار الفساد الدائر في شيكاغو قرر انه يمضي على اطباق (أليس هذا عملا أكرم شوية وأكثر آدمية من سرقة المدونات..؟) لكن حتى يستفيد من كل الأطراف قرر أن يرسل لوكا براسي "محرر" باب المدونات لكي يقوم هو بمهمة سرقة المدونات..!

ماشي،

100 معلومة مهمة عني

على غرار الأب الروحي Linus

إنتوا فاكرينها صحافة بجد..؟!

[caption id="attachment_469" align="aligncenter" width="171" caption="ليست صحافة"][/caption]

عندي سؤال لو يسمح الأخ الصحفي أو لا يسمح فأنا سأسأله على كل حال: يعني إيه صحافة مدونات..؟

يعني صغحة أو تلت صفحة -ركن- عن المدونات والقضايا الساخنة المثارة عليها والحاجات التي تهم الناس أو على الأقل التي تراها أنت أنها كذلك..

جميل..

طب يا أخ يا صحفي..

هوامش على عدد الشروق الأول

أولا هذه الكلمات ليس الغرض منها التقييم.. بل..

لا بقه بصراحة الغرض منها التقييم..!

والتقييم مهم لأية مطبوعة تبدأ عمرها الافتراضي، حتى لو كانت من انتاج حرّيفة مثل حرّيفة الشروق.. فالقريبين من المطبخ الصحفي يعرفون جيدا ان العمل اليومي يختلف -تماما- عن الاسبوعي.. فتخيل إذن الفرق بين نشر الكتب والعمل اليومي..! وحتى لو كان المقيم -بكسر الياء المضعفة- واحد زيي...

Caution..!

This post intentionally left blank..!

لدواعٍ أمنية..!

البتاع ده جالي على بريدي الإلكتروني..
أعتقد انه ح يعجبكم..

عشاء الوداع للرئيس بوش: لدواعٍ أمنية.. حذاءك لو سمحت!

2008.. يا 2008...!!!!

في ستين ألف داهية
داهية لا ترجعك
لأ
ستين ألف داهية لا يرجعوكي
وكفاية اللي عملتيه فينا وخدتيهم مننا