أعتذر مرة أخرى للصديقين عبد الرحمن يوسف وعلي طاحون "زرياب".. هذه المرة أعتذر لأني قررت استباق مقررات الاجتماع الذي لم يعقد أصلا نظرا للوفاة المفاجئة للدكتور عبد الوهاب المسيري..
هذه الوفاة المفاجئة عطلت ايضا استمراري في اكمال موضوع "خرافات بنت ديفيد" الذي بدأته "أو بعبارة أدق "مهدت له".. لكني دخلت في حالة اكتئاب بعد الوفاة صغرت في عيني أمر الدنيا كله بما فيها ما أنا مقدم عليه...
ولما كان الأمر قد فاق حدود المهزلة بمراحل ليصل إلى حد السيرك، فقد قررت الآتي:
- أن أقطع علاقتي بالمنتدى نهائيا.. ليس كتابة فقط كالمرة السابقة بل كتابة وتصفحا.. والسبب هو اني كبرت في السن وضغطي واطي ومرارتي مفقوعة بالفعل..
- يقوم زرياب أو أحد المشرفين بغلق موضوع خرافات بنت ديفيد.. على أن أواصل الكتابة فيه -بعد تغيير اسمه إلى "تنبيه شديدي الغباء بتبرئة سيد الأولياء" وإغفال الموضوع الأصلي المثير للمسألة من أولها ليصير موضوعي دراسة مستقلة..- هنا على هذه المدونة أو على مدونة جديدة قد أنشئها خاصة بكتاباتي الإسلامية.. وأعتقد أن من حقي أن أطلب غلق موضوع بدأته..
-موضوع الحوار في أي اجتماع قادم سيكون هو "المنتدى وكيف يمكن اصلاحه" أما عودتي للمنتدى فهي خارج المناقشة أصلا..!
وهذا بالضبط ما كنت اعني بـ"استباق قرارات الاجتماع"..!
"اللهم أني قد تصدقت بعرضي ودمي ومالي على عبادك فلا أطالبهم بشيء من ذلك لا في الدنيا ولا في الآخرة وأنت الشاهد علي بذلك"..
وإني أفعل ذلك مقتديا بشيخي محيي الدين بن عربي رضي الله عنه..
دمتم لقلمي
هذه الوفاة المفاجئة عطلت ايضا استمراري في اكمال موضوع "خرافات بنت ديفيد" الذي بدأته "أو بعبارة أدق "مهدت له".. لكني دخلت في حالة اكتئاب بعد الوفاة صغرت في عيني أمر الدنيا كله بما فيها ما أنا مقدم عليه...
ولما كان الأمر قد فاق حدود المهزلة بمراحل ليصل إلى حد السيرك، فقد قررت الآتي:
- أن أقطع علاقتي بالمنتدى نهائيا.. ليس كتابة فقط كالمرة السابقة بل كتابة وتصفحا.. والسبب هو اني كبرت في السن وضغطي واطي ومرارتي مفقوعة بالفعل..
- يقوم زرياب أو أحد المشرفين بغلق موضوع خرافات بنت ديفيد.. على أن أواصل الكتابة فيه -بعد تغيير اسمه إلى "تنبيه شديدي الغباء بتبرئة سيد الأولياء" وإغفال الموضوع الأصلي المثير للمسألة من أولها ليصير موضوعي دراسة مستقلة..- هنا على هذه المدونة أو على مدونة جديدة قد أنشئها خاصة بكتاباتي الإسلامية.. وأعتقد أن من حقي أن أطلب غلق موضوع بدأته..
-موضوع الحوار في أي اجتماع قادم سيكون هو "المنتدى وكيف يمكن اصلاحه" أما عودتي للمنتدى فهي خارج المناقشة أصلا..!
وهذا بالضبط ما كنت اعني بـ"استباق قرارات الاجتماع"..!
"اللهم أني قد تصدقت بعرضي ودمي ومالي على عبادك فلا أطالبهم بشيء من ذلك لا في الدنيا ولا في الآخرة وأنت الشاهد علي بذلك"..
وإني أفعل ذلك مقتديا بشيخي محيي الدين بن عربي رضي الله عنه..
دمتم لقلمي
هناك 12 تعليقًا:
بغيب
لكن برجع
واحس بوحشة للشارع وللحارة
وللقلة على شباكى
والشمس لما بتصاحب حيطان البيت
بعد الشر عليك يافيصل من الضغط والمرارة وكل أمراض المنتديات
عموما كويس الريست الى أنت هتااخده عشان تعيد حساباتك وتثبت قراراتك
بس أنا عايزة أقولك نصيحة أخيرة قبل ماتروح ومانعرفش نجيبك مافيش حاجة بجد تستاهل أنك تسيب المنتدى عشانها أو تحد من حريتك في الكتابة
أنا بيعجبنى جداا شخصية أستاذ عبد الرحمن في المنتدى
أنت فاكر كويس العضو السلفي وكلامه لأستاذ عبدالرحمن وفاكر كمان ردة فعله معه ومع أمثاله بتكون أزاى
.
أنا شايفه إن هى دى الطريقة المثلى في الحوارات دى وفي المنتدياات عامة
والصمت هنا بيكون ثقة وسمو وردإيجابي من غير أى
تعب وضغط وغيره . .
يابنى أنا كنت زاايك كدة حماس واندفاع وأدله ومانتهتش بالضغط والمرارة
لأ . .بعيد عنك جاالى مرض اسمه وسوسة الألف
والدكتور نصحنى لمدة 3 شهور ماستخدمش الألف في كلامي وكانت معاااااناة غير طبعا مقاطعة المنتديات وياريت خفيت
واديك شايف الحال
فبجد أحنا خايفين عليك وعلى كتاباتك فخليك ريلاكس
لأن الحقيقة المطلقة لا يعلمها إلا الله
تحياتى
خير زاد:
ده وقت وجيه عزيز..؟؟
:)))
مش عارف
يمكن الشارع والحارة مش هو اللي انا فاكرة شارع وحارة..!
ويمكن القلة على شباكي أحلى من القلة اللي عند القهوجي اللي تحتنا
ويمكن لو كملت زيادة اهيس أكتر من كده..
امبارح اساعة 12 -او بعبارة ادق النهاردة الساعة 12 صباحا- بالضبط قفلت المتصفح اللي كان مفتوح فيه المنتدى..
وقلت انا كده مش ح اعرف ايه اللي اتكتب وإيه اللي ما اتكتبش ومين شتم ومين مدح ومين مات...... شيء مرييح جدا.. يا سلااام..!
إيه ده انتي بتيجي ع السيرة وللا إيه..؟ D=
سلااام:
برضه بعد كل اللي انا قلته ده مصممة انه ريست..؟ ماشي نمشيها ريست..
ثم مفيش حاجة اسمها اروح وما تعرفوش تجيبوني.. ده انا one click away كما تقول الإعلانات.. على بعد كليك ونصف من المنتدى.. كان يعيش فيصل..!!!
مافيش حاجة بجد تستاهل أنك تسيب المنتدى عشانها أو تحد من حريتك في الكتابة
بيقووول ما شافوش قبل كده
يعاد استجواب الشاهد مرة اخرى..!
ويقرأ "المسألة المنتدوية" من أولها في المدونة ويكملها من اللي حصل في المنتدى.. ويتوقف عن القراءة بعد كده عشان ما يحصلوش زيي..
أنا بيعجبنى جداا شخصية أستاذ عبد الرحمن في المنتدى
أنت فاكر كويس العضو السلفي وكلامه لأستاذ عبدالرحمن وفاكر كمان ردة فعله معه ومع أمثاله بتكون أزاى
.
أنا شايفه إن هى دى الطريقة المثلى في الحوارات دى وفي المنتدياات عامة
والصمت هنا بيكون ثقة وسمو وردإيجابي من غير أى تعب وضغط وغيره . .
طيب ما أنا بتعجبني جدا شخصية سيدنا محمد ومع ذلك مش عارف ابقى زيه..!!
ومع ذلك خلينا في موضوعنا..
عبد الرحمن يتميز عني بحاجات كتيرة جدا.. أولا عنده رصيد هائل من المرارات، ثانيا بيتشتم من زمان جدا، ثالثا عنده 38 سنة، وانا لو كملت على المنوال ده مش ح احضر عيد ميلادي ال31...!!
يابنى أنا كنت زاايك كدة حماس واندفاع وأدله ومانتهتش بالضغط والمرارة
لأ . .بعيد عنك جاالى مرض اسمه وسوسة الألف
والدكتور نصحنى لمدة 3 شهور ماستخدمش الألف في كلامي وكانت معاااااناة غير طبعا مقاطعة المنتديات وياريت خفيت
واديك شايف الحال
ده انتي بتثبتيها لي زيادة..! ويتقوليلي لو ما شربتش اللبن ح تكتب ألفااات زي طنط..
P:
طيب هو انا ناقص توصية..؟ طب اديكي شفتي بنفسك انها بتقلب بضغط ومرارة وألفات ف الآخر...
عمومن عمومن.. (دي أحدث صيحة في التنوين.. بعبارة أدق موضة الستينات بتاعة العلم نورن رجعت تاني :) انا سعيد بوجودكم على صفحتي دي.. وزي ما انتوا شايفين ما حدش في المدونة تقريبا غيركم..! فما تغيبوش عليها...
-باتعب جدا لما باكتب عامية كتير كده-
دمتم لقلمي.. :)
لو هوه ده مش وقت وجيه يا استاذى
هيبقي امتى وقته ؟؟؟
انا شخصيا اغانى وجيه ما بتحلاش ليا الا وقت النكد
وبعدين الله يسامحك - دى جملة تكتبها!!!-
" وزي ما انتوا شايفين ما حدش في المدونة تقريبا غيركم..! فما تغيبوش عليها... "
ايه اللي يجمع الشامى علي المغربي فى جملة واحدة فى الكلام
بلاها زيارة للمدونة
خلي المغربي ياخد راحته
اغنية وجيه عزيز اللي تنفع بقه صحيح ف كل وقت:
"هيه عيشة ولا موتة ولا فوتة ف حارة سد"
كل ما بادخل حارة سد بفتكرها وده معناه كل شوية..!!
وكل ده ف ساعة النكد العادي
أما ف ساعة النكد المركز الصافي فباكتب أنا أغنيتي الخاصة جدا..
وممكن اسمح لوجيه يغنيها فيما بعد.. :)
ويعدين جمع الشامي على المغربي في جملة واحدة مهم جدا: أولا لأن الرد واحد، ثانيا لأن -بالفعل- مافيش غيركوا على المدونة..! أكدب يعني..؟
أما بلاها زيارة للمدونة لا تعني عندي الا شيء واحد
بلاها كتابة ف المدونة..!!
اصلي ح اكتب إيه ولمين ما دام اللي باكتبه مش بيوصل لحد (ابن رشد- فيلم المصير)..!؟ :'(
وكده ح ازعل بجد (ثروت- يوميات ونيس)..! :(
بس كده ضعي الجملتين دول ف دماغك..
لا حول ولا قوة الا بالله
هتحسسنى بالذنب ليه بس ؟
مع ان السيد المغربي مش هيسيبك لوحد ابدااااا ، لانه جايلك انت مخصوص
فاكر المشهد بتاع الاسد فى مسرحية شاهد ما شافش حاجة " ده جايلي انا بقي "
بما انها طالبة معاك افلام علي تمثيليات ... زودنهالك كمان مسرحيات .
بالمناسبة الايموشن اللى بتحطها ما بتظهرش ...بيظهر نقط واقواس
اخيرا بقي الاستاذ الشاعر محمود مرسي عامل قصيدة تحفة علي الحرة
http://montada.arahman.net/t6757-578.html#post107943
بجد بجد لخص كل حاجة
هوه برضه تقريباص كده معانا علي الخط
ابقي طل عليها طله
انا حطالك الرابط عشان ما تتصفحش ولا تشوف حاجة تانية هتدخل علي الرابط علي طول
لو مش هتردي برضه تدخل ممكن احطهالك هنا ، بس نستاذن محمود مرسي الاول صح ؟
بجد القصيدة خلالالالالالاصة
باين كده والله اعلم معمولة لحد اسمه فيصل - ما اعرفهوش يا بيه - ولموقفه من المنتدي ....ده ان ما كانتش تهيؤات ، او ذكائي خاني
عارفة يا خيرزاد
أنا طول عمري بقرا الناس زي الكتب المفتوحة كده
عمر نظرتي ما خيبت أبدا
من أول ما كتبتي لي الجملة دي ف الشات
لا استطيع - علي الاقل الان - ان اقول اي شئ عن ما جرى وما يزال يجري علي صفحات المنتدي سوى " الكلام انتحر "
وانا حاسس ان انتي ناوية تجيبي لي المنتدى هنا :)))) وقد كان..
عموما لسه قدامي مدونة محمود.. لو ما لقيتهاش في المدونة...
.
.
.
.
ح احاول اقمع فضولي
P:
مع اني شبه واثق -بما ان محمود صاحبي- انه ما قراش حاجة من اللي حصلت فضلا عن انه يكتب عنها شعر.. لأنه حاليا -لو ملاحظة- بيدخل المنتدى بتاعنا عشان يحط قصائد فقط ولو تلاحظي انه حتى ما بقاش يتابع الردود على قصائده.. أما حياته "المنتدوية" فهو بيعيشها ف منتدى قهوة كتكوت مش عندنا..
ومع ذلك كلللله.. نشوف
بس يا ريت يا خيرزاد بعد كده تراعي اني حالياا في فترة نقاهة أعاني خلالها من أعراض انسحاب المنتدى.. فالمسألة مش ناقصة..! يمكن بعد العلاج تبقى عادي..
عذرا يا أستاذ فيصل
- الكلام انتحر -
ولو ان ده علاجك
خبر زاد
الله يسامحك يا شيخة..
دخلت تاني
قريت تاني
انحسرت زيادة
اتقهرت زيادة
بجد مش ح اعمل كده تاني مع احترامي التام ليكي..
انا عارف انك حساسة وانا ما بعرفش اتعامل مع الحساسين
لكن برمجي الموضوع بأي طريقة يتفهم منها اني مش عايز ادخل المكان ده تاني مع احترامي لكل اللي فيه وأولهم انتي
انا على فكرة مشار في منتدى الكرامة اللي الرابط بتاعه موجود في المدونة
صحيح مش بنفس الكثافة لكن ده هيتغير
وصحيح المنتدى بيقع حوالي 15 يوم ف الشهر لكننا ح نحاول نحلها..
ما تزعليش مني.. ماشي..؟
:) ..؟
وزي ما انتوا شايفين ما حدش في المدونة تقريبا غيركم..! فما تغيبوش عليها... "
...........
يه الكلام دة بس
هو أنا أصلا بعرف الأخبار غير من الناس
حديث الساعة دلوقتى فيصل ساب المنتدى
فيصل زعلان
فيصل وديفيد
فيصل فيصل
لدرجة أنى فتحت على الجزيرة قولت يمكن الخبر ينزل
.
بس هى االناس عامة زااى ماقولتلك بتحب تلتزم الصمت في المواقف دى وتتفرج من بعيد لبعيد لتيجي فيها طوبة
.
خلاص بقى سحابة وهتعدى
وأحسن حاجة تعمل زاى مااالدكتور قالى بمرض الألف وماتتكلمش لمدة تلات شهور أى كلمة لها علاقة بالمنتدى وخلافه
أنا صرااحة مامشيتش كويس على العلاج بس جاب نتيجة
زماان كانت لكلمة الى فيها ألف بتاخد معى صفحتان على الأقل
ودلوقتى نحمد ربنا
واحنا طبعا معاك ومش هنسيبك زاى ماخير زاد قالتلك لو كنا بس خفاف عليك ومن غير مجاملات
.
وفي رد هسيبهولك على مقالة عايز أموت . . سورى عايز أنفجر
ماتنساش تشوفه
وسلملى على نفسك!!
.
خلاص برمجت الموضع
ومش زعلانة
وكمان ماكانش قصدى افكرك
بس القصيدة فعلا شكيت انها اسقاط علي شئ ما
فزلكة بس جت أوت المرة دي
اخيراً
هون عليك اخي العزيز
إرسال تعليق