ما رحتش الجنازة..
ما معاييش فلوس أروح رابعة العدوية
ومش عايز ارخم على عبد الرحمن يوسف أو طلبة أو أي حد من اللي متوقع انهم يروحوا
إلى جانب اني ما باحضرش جنازات أصلا.. وما بحبش احضرها..
ما حضرتش غير جنازة جدي من ٣ اشهر.. ويومها فقط عرفت أبويا مدفون فين..!!
لو مت ما تحضروش جنازتي
والله ما ح ازعل..
بالعكس.. انا ح ازعل لو اكتشفت اني زعلت ناس كتير بموتي زي ما زعلت ناس أكتر بحياتي..!
متوقع وجود أمني كثيف جدا لكنه مش ح يتعرض لحد ومش ح يعمل حاجة
وما اعتقدش ان يحصل زي يوم جنازة نجيب محفوظ..
آآآ..........................ه ه ه....
عايز ابكي
وعايز اغني
عايز أغني كأني ف معتقل أو اعتصام..
محبو..وو...وس يا طير الحق..
قفصك حديده لعين
قضبانه لا بتعرف
ولا تفهم المساجين
قضبانه لا بتنطق..
"ما حد يسكت الجدع ده..!!"
"حراااااام..!!!"
"يا رب هو ح يبقى اعتصام وفيصل كماااان..!!!"
وانا طبعا طالما انطلقت ما بسكتش
والله العظيم نفسي اتعلم اسكت.. نفسي..
قضبانه لا بتنطق
ولا تفهم الإنسان
ولا الحديد ينزف
لو تنزف الأوطااان..
بين العتمة هنا
وبين النووور هنااك..
حابساني ويا الغنا
قضبان على شباااك..
زنزانتي لو أضيق
أنا من ورا السجان ف العتمة باتشعلق...!
حتى على الدخان..!!!
واغني بدموعي
لضحكة الأوطاااان..
واغني بدموووعي..
لضحكة الأوطااان...
وافضل أعيدها
أعيدها
لحد ما انا وهمه ننفجر بكا
..!!
ما معاييش فلوس أروح رابعة العدوية
ومش عايز ارخم على عبد الرحمن يوسف أو طلبة أو أي حد من اللي متوقع انهم يروحوا
إلى جانب اني ما باحضرش جنازات أصلا.. وما بحبش احضرها..
ما حضرتش غير جنازة جدي من ٣ اشهر.. ويومها فقط عرفت أبويا مدفون فين..!!
لو مت ما تحضروش جنازتي
والله ما ح ازعل..
بالعكس.. انا ح ازعل لو اكتشفت اني زعلت ناس كتير بموتي زي ما زعلت ناس أكتر بحياتي..!
متوقع وجود أمني كثيف جدا لكنه مش ح يتعرض لحد ومش ح يعمل حاجة
وما اعتقدش ان يحصل زي يوم جنازة نجيب محفوظ..
آآآ..........................ه ه ه....
عايز ابكي
وعايز اغني
عايز أغني كأني ف معتقل أو اعتصام..
محبو..وو...وس يا طير الحق..
قفصك حديده لعين
قضبانه لا بتعرف
ولا تفهم المساجين
قضبانه لا بتنطق..
"ما حد يسكت الجدع ده..!!"
"حراااااام..!!!"
"يا رب هو ح يبقى اعتصام وفيصل كماااان..!!!"
وانا طبعا طالما انطلقت ما بسكتش
والله العظيم نفسي اتعلم اسكت.. نفسي..
قضبانه لا بتنطق
ولا تفهم الإنسان
ولا الحديد ينزف
لو تنزف الأوطااان..
بين العتمة هنا
وبين النووور هنااك..
حابساني ويا الغنا
قضبان على شباااك..
زنزانتي لو أضيق
أنا من ورا السجان ف العتمة باتشعلق...!
حتى على الدخان..!!!
واغني بدموعي
لضحكة الأوطاااان..
واغني بدموووعي..
لضحكة الأوطااان...
وافضل أعيدها
أعيدها
لحد ما انا وهمه ننفجر بكا
..!!
هناك 4 تعليقات:
الشعر لعبد الرحمن الأبنودي واللحن-أو اللحنين- لعمار الشريعي قدمت في مسلسل النديم وفي فيلم البريء..
انا بس بكتب ده لأن في حد قرا الكلمات واتأثر بيها أوي فغالبا افتكر ان الأشعار كمان بتاعتي..
معلش اسمحلي اشارك معاك بشوية حزن على معاناة من عندي . .
أصلى بجد حسيت نفسي أوى في كلامك وانا بقراه
.
زمان وأنا صغيرة كنت بخاف أوى من موضوع الجنائز . .
وبعد ماكبرت وعرفت الدنيا على حقيقتها
انقلبت المعادلة وبقيت متعتى الوحيدة في مشاهدة الجنائز والحقد على اصحابها!!
.
طيب أنت ازاى عايز تموت وبتخاف من الجنائز
شعور متناقض صراحة !!
بس إنت بالذات ألف بعد الشر عليك من الموت
ومش عايزينك تسكت ابداااااااا
دة كلامك هو عزائنا الوحيد في الدنيا وبلاويها
كبر بقى واضحك قبل الضحك مايغلى هو كماااان
وكترتلك من الألفاااااااات أهوو عشان ماخليش في نفسك حاجة
.
وعلى فكرة أنا مبسوطة من قرارك في المنتدى أوى لأن مستواك الخلقي والأدبي يرقى لأعلى من كدا
تقبل خالص احترامي وتقديري ودمت بخير وسلمت من كل شر
اليوم حاسس اني ممكن استوعب الدنيا كلها.. عشان كده قررت امسك الرد ده اللي أجلته كتير جدا..
معلش اسمحلي اشارك معاك بشوية حزن على معاناة من عندي . .
شاركي ولا يهمك.. صحيح عندي كتير بس مفيش مانع :)
أصلى بجد حسيت نفسي أوى في كلامك وانا بقراه
.
زمان وأنا صغيرة كنت بخاف أوى من موضوع الجنائز . .
وبعد ماكبرت وعرفت الدنيا على حقيقتها
انقلبت المعادلة وبقيت متعتى الوحيدة في مشاهدة الجنائز والحقد على اصحابها!!
يا ساتر يا رب..!!
صحيح انا فاهم انك تقصدي انك بتحسديهم على ما هم فيه
لكن انا شايفها بشكل مختلف
كل اللي انا بعمله لما بقابل اهل الميت في الجنازة او في العزاء هو اني افكرهم بيه
عشان كده انا ما رحتش غير عزائين تلاتة منهم عزاءين لتنين اصحابي في واحد من اهلهم..
لكني أول ما باوصل هناك باخد صاحبي ده بعيدا عن العزاء تماما واقعد اكلمه عن أي حاجة تانية..!!
وانا شايف ان ده هو معنى "العزاء" بجد.. اني أكون عزاء لأهل الميت عن فقيدهم..!
طيب أنت ازاى عايز تموت وبتخاف من الجنائز
مممم
أولا انا ما قلتش عايز اموت انا قلت عايز انفجر..
ثانيا حتى لو عايز ايه اللي ح يخوفني من جنازتي..؟
ما انا ح ابقى ميت سعادتك..!!
ثم الموت من الصعب ان يكون مصدرا للخوف بقدر "استمرار الحياة" نفسه..!
ساعات الانسان بيصل لأداء معين في حياته يرضيه ويحب أن يموت عليه..
ويخاف ان تستمر حياته لحسن يرجع يبوظ الدنيا تاني
وبالفعل يعيش وبالفعل يبوظ الدنيا تاني
فيرجع تاني يحاول يتحسن
وهكذا..!!
ويفضل مش عارف هو ح يموت كويس وللا ح يموت وهو مبوظ الدنيا..!!
بس إنت بالذات ألف بعد الشر عليك من الموت
ومش عايزينك تسكت ابداااااااا
دة كلامك هو عزائنا الوحيد في الدنيا وبلاويها
كبر بقى واضحك قبل الضحك مايغلى هو كماااان
وكترتلك من الألفاااااااات أهوو عشان ماخليش في نفسك حاجة
اهو ده الكلام اللي ما نقدرش نقول معاه اي حاجة..
ليس لنا معه إلا الخجل والصمت..!
ربنا يخليكي وتصمدي كده وتكملي على هذه الصفحة..
وعلى فكرة أنا مبسوطة من قرارك في المنتدى أوى لأن مستواك الخلقي والأدبي يرقى لأعلى من كدا
للأسف قراري ده كان ناقص
كنت ح افرح اكتر لو ما كنتش عملت العودة المؤقتة دي بالموضوع اللي كنت أصلا كده كده ح اعمله في المدونة وكنت ح انشره بعد انتهائي من كتابته.. تجعلي بالنشر المتسلسل على حلقات في ظل وضع مذهل السوء(!!) يعانيه المنتدى أساء لقضيتي أكثر مما خدمها..
عشان كده ما اعتقدش ان مستوايا الخلقي والأدبي لسه راقي في نظر الناس اللي شهدوا على ع الغلطة دي وربما تكونين من ضمنهم..!
مش بقول لك بابوظ الدنيا :)
تقبل خالص احترامي وتقديري ودمت بخير وسلمت من كل شر
الله يسلمك
دمت لقلمي..
مع إنك نفس يوم ميلادي وبالتالي هتكون نفس برجي
إلا إنك بتختلف معي في صفات كتير!!!
يمكن والدك سجل تاريخ ميلادك غلط
جايز
حضورك هادئ . . دقيق ومدقق . .عندك قدرة فظيعة على التحليل والتفسير . . متكلف . . ممحص محقق . . متحدث لبق . . ترد الكيل كيلين . .
. .
أنا
متسرعة . عصبية. بسيطة في الكلام وغير متكلفة . . فوضوية . مندفعة
عديمة التركيز . تعبيراتي بريئة وتلقائية . . وكله دة طبعا من تبعات وأثار المنتديات
فبالتالى تعليقات كتير ليا مش في مكانها المظبوط
لأني بقرأ المقالة في دقيقتين وأرد في دقيقة ويطلع زاى مايطلع من الأستنتاجات
أنا الصفحة الواحدة باطلع منها بمعنى واحد إنما إنت الكلمة الواحدة بتطلع بها بأكتر من صفحة من المعاني
ماعليناااا
.
مشاهدة الجنائز والحقد على اصحابها!!
أأقصد الميت مش أهله وحسدي على الموت نفسه وانه ارتاح من الدنيا وبلاويها
.
عايز تموت وبتخاف من الجنائز
إممممممممم مش عارفه يمكن لما لمحت في كلامك وأنا بقرأ على السريع جملة (اكتشفت اني زعلت ناس كتير بموتي)
وجملة :(جنازات أصلا.. وما بحبش احضرها) ركبت الجملتين على بعض وطلعت بمعنى إنك كارة الدنيا زاايى وعايز تموت
أو ممكن تقول إنى من كتر مابتمنى الموت حسيت كل الناس زايي
معلش فوت ومتاخدش على كلامي وتردلي الصاع صاعين :( وأنا هريحك شوية من تعليقاتي
.
إحتمال ننظم لقاء قريب . . إن شاء الله أشوفك ونتكلم
وعشان خاطر الفرحة تكمل هعزملك عماد وديفيد وكل الى قلبك يحبهم
بس إنت أأمر
وسلملي على نفسك
إرسال تعليق